«Նոր Հայաստան» հանրային փրկության ճակատի ներկայացուցիչներն այսօր հերթական հանդիպումն են անցկացրել Արտաշատում և Մասիսում։
Դեկտեմբերի 1-ին Ազատության հրապարակում անհնազանդության միջոցով իշխանափոխություն նախաձեռնած կազմակերպության ներկայացուցիչները, Արտաշատում քննադատելով սահմանադրական փոփոխությունների նախագիծը, վերահաստատեցին՝ գործող ռեժիմը օր առաջ պետք է հեռանա։
«Նոր Հայաստան» հանրային փրկության ճակատի անդամ Ալեք Ենիգոմշյանի խոսքով՝ անգամ գործող սահմանադրության գլուխներն այսօր միայն թղթի վրա գրված տողեր են:
«Նոր Հայաստան» հանրային փրկության ճակատում ոտքի հայաստան քաղաքացիական նախաձեռնությունը ներկայացնող Անդրիաս Ղուկասյանն էլ հայտարարեց, որ իրենց առաջարկում են միանալ «այո»-ին և 2017-ին խորհրդարանական ընտրություններին մասնակցելով՝ իրենց բաժինը ստանալ։ Դա կնշանակի մասնակցել ժողովրդի թալանին, ասում է Ղուկասյանը:
«Նոր Հայաստան» հանրային փրկության ճակատի միասնական շտաբի ղեկավար Ժիրայր Սեֆիլյանն էլ հայտարարեց՝ շատերն են հավաքի մասին տեղեկացված եղել, սակայն նրանց բացակայությունը չի նշանակում, թե չեն ուզեցել մասնակցել, ժողովուրդը պարզապես զգուշանում է՝ բոլորս էլ գիտենք:
