Ինչ կլինի, եթե արտասահմանյան մասնավոր տրանսֆերտներ չփոխանցվեն Հայաստան: Այսօր լրագրողներն այս հարցն են ուղղել ԿԲ ֆինանսական համակարգի կայունության և զարգացման վարչության պետ Վահե Վարդանյանին: «Տխուր կլինի, որովհետև մասնավոր տրանսֆերտները կազմում են մեր ՀՆԱ-ի 13-14%-ը»,- պատասխանել է Վ. Վարդանյանը:
Նշենք, որ, ըստ ԿԲ այսօր հրապարակած «Ֆինանսական կայունության հաշվետվություն, 2010 թ.» պարբերականի, մասնավոր տրանսֆերտների 10% աճը հանգեցնում է ՀՀ-ում ՀՆԱ-ի 0.4% աճի: Նշվում է, որ նման եզրակացության են եկել Արժույթի միջազգային հիմնադրամի փորձագետները: