Ապրիլի 23-ին, ժամը 02.00-ին, ոստիկանության Երևան քաղաքի վարչության հերթապահ մասից Կենտրոնականի բաժնում հաղորդում է ստացվել, որ իրենց է զանգահարել մի քաղաքացուհի և հայտնել, որ դիմակավորված 2 անձինք փորձում են «Օրխիդեա» խանութից գողություն կատարել:
Դեպքի վայր մեկնած ոստիկանության ծառայողները Տերյան փողոցի թիվ 62 շենքի նկուղից, գողություն կատարելու կասկածանքով, բերման են ենթարկել 26-ամյա Արսեն Խ.-ին և 26-ամյա Արթուր Հ.-ին, որոնց մոտ հայտնաբերվել է 2 զույգ կաշվե ձեռնոց և 2 դիմակ:
Պարզվել է, որ նրանք գիշերը, դռան ապակին կոտրելով, Տերյան փողոցում գտնվող արծաթյա զարդերի խանութից գողացել են արծաթյա զարդեր, իսկ Բայրոնի փողոցում գտնվող երկու գեղեցկության սրահներից, պատուհանը բացելով` վարսահարդարման պարագաներ, ձայնագրիչ և այլ իրեր:
Արսեն Խ.-ն և Արթուր Հ.-ն ձերբակալված են:
Կատարվում է նախաքննություն: