Այսօր Վանո Սիրադեղյանի ծննդյան օրն է:
Վանո Սիրադեղյանը ծնվել է 1946թ.-ի նոյեմբերի 13-ին` Նոյեմբերյանի Կոթի գյուղում։ 1966-69 թթ. Ծառայել է խորհրդային բանակում։ 1974թ.-ին ավարտել է Երևանի Պետական Համալսարանը` բանասերի որակավորմամբ։ 1983 թ.-ին լույս է տեսնում «Կիրակի» ընդհանուր վերնագրով պատմվածքների առաջին ժողովածուն։
Վանո Սիրադեղյանը հայ ժամանակակից արձակագիր է, հրապարակախոս, հասարակական և քաղաքական գործիչ։ Հայաստանի գրողների միության անդամ, «Առավոտ» թերթի հիմնադիր։
Նա բազմաթիվ պատմվածքների և գրքերի հեղինակ է, որոնք թարգմանվել են նաև վրացերենով:
1990–1992 և 1997–2000 թթ-ին Վանո Սիրադեղյանը եղել է ՀՀՇ վարչության նախագահ, 1990–1992 թթ.-ին Գերագույն Խորհրդի պատգամավոր։ 1992-1996 թթ. աշխատել է ՀՀ ներքին գործերի նախարար, 1996-98թթ-ին Երևանի քաղաքապետ, իսկ 1996 – 1999 թթ.-ին ՀՀ ԱԺ պատգամավոր։
1999թ-ին Վանո Սիադեղյանը վերընտրվում է որպես պատգամավոր։ 2000 թ-ին խորհրդարանը՝ նիստերին անհարգելի կերպով չմասնակցելու պատճառաբանությամբ, Սիրադեղյանին զրկում է պատգամավորի անձեռնմխելիությունից, ապա` պատգամավորական մանդատից:
Նա մեղադրվում է «սարքած-ծրագրված սպանության» մեջ և գտնվում է միջազգային հետախուզման մեջ։
