Վրացական Georgia Times կայքի փոխանցմամբ, ապրիլի 27-29-ը Վրաստան է այցելելու Եվրախորհրդանի` Վրաստանի հարցերով ներկայացուցիչ, լեհ Քշիշտոֆ Լիզեկը: Այս մասին հայտարարել է Վրաստանի փոխարտգործնախարար Նինո Կալանդաձեն:
Վերջինիս խոսքերով`Լիզեկն աշխատանքներ է տանում Վրաստանի շուրջ զեկույցի պատրաստման վրա, որը հետագայում վերածվելու է Եվրախորհրդարանի հիմնական բանաձևի:
Վրացական այցի շրջանակներում Լիզեկը մի շարք հանդիպումներ է անցկացնելու վրացական խորհրդարանում ու երկրի գործադիր իշխանությունների ներկայացուցիչների հետ: Այդ հանդիպումների ընթացքում կողմերը քննարկելու են Վրաստանին առնչվող քաղաքական ու տնտեսական, անվտանգության ու կայունության հարցերը:
Հիշեցնենք, որ հունվարի 20-ին Եվրախորհրդարանի ընդունած բանաձևում Աբխազիան ու Հարավային Օսիան որակվեցին որպես օկուպացված տարածքներ: