Եվրոպացի ռաբիների կոնգրեսը (CER) Գերմանիայի կանցլեր Անգելա Մերկելին պարգևատրել է Իմանուել Յակոբովիցի անվան մրցանակով: Գերմանացի առաջնորդին շնորհակալություն են հայտնել Գերմանիայի հրեական համայնքին աջակցելու և իրենց սովորույթները, այդ թվում՝ թլպատումը պաշտպանելու համար: Բացի այդ, ինչպես հաղորդում է Կոնգրեսի կայքը, համաժողովը ճանաչել է Մերկելի արժանիքները Եվրոպայում հակասեմականության դեմ պայքարում:
CER-ի նախագահ Փինխաս Գոլդշմիդտը նշել է, որ Մերկելը շատ ջանքեր է գործադրել միջժողովրդական ներդաշնակության համար: Նա Մերկելին անվանել է հրեական համայնքի ընկեր:
Մերկելին շնորհակալություն են հայտնել թլպատման ծիսակարգին աջակցելու համար: CER-ը հիշեցնում է, որ 2012թ. Քյոլնի դատարանը թլպատումը համարել է առողջության համար վնասակար: Ավելի ուշ Գերմանիայի իշխանությունները խոստացան չեղյալ հայտարարել այդ որոշումը և հրեաներին ու մուսուլմաններին թույլ տալ կատարելու այդ ծիսակարգը:
«Գերմանիայի, Եվրոպայի և ամբողջ աշխարհի կրոնական համայնքները երախտագիտությամբ են ընդունել Մերկելի որոշումը, որով նա պաշտպանել է այդքան կարևոր կրոնական պրակտիկան»,- ասվում է հաղորդագրության մեջ:
Պարգևատրման արարողությունը կկայանա մայիսի 22-ին՝ Բրյուսելի Սինագոգում: Իմանուել Յակոբովիցի (CER նախկին նախագահ) մրցանակը հիմնվել է 2012թ.: Եվրոպացի ռավինների կոնգրեսը գոյություն ունի 1956թ.: