The Mirror-ի փոխանցմամբ՝ ԱՄՆ բնակիչ Սթենլի Հեյնս Մանրոն ատամի չոփիկներից կառուցել է Դուբայում գտնվող Բուրջ Խալիֆա երկնաքերի պատճենը, որն աշխարհի ամենաբարձր երկնաքերն է։
45-ամյա ամերիկացին պատմել է, որ երկնաքերի պատճենի կառուցման ժամանակ ամենաբարդը եղել է պատերի ձևավորումը, քանի որ Բուրջ Խալիֆան չունի որևէ հարթ մակերևույթ։ Չի հաղորդվում, թե որքան է կազմում ամերիկացու պատրաստած «երկնաքերի» բարձրությունը։
Դուբայի երկնաքերի պատճենի ստեղծողն ապրում է Նյու Յորք նահանգի Սիրակյուս քաղաքում։ Նա ատամի չոփիկներից կառույցներ է պատրաստում մանուկ ժամանակներից։ Նրա ակտիվում կան Սպիտակ տունը, Թաջ Մահալը, Պիզայի աշտարակը և Վատիկանում գտնվող Սուրբ Պետրոսի տաճարը։
Բուրջ Խալիֆան ունի 163 հարկ, նրա բարձրությունը կազմում է 828 մետր։
