Բուխարեստում չդադարող հակակառավարական բողոքի ակցիայի մասնակիցները սուլել են երկրի նախագահ Կլաուս Յոհանիսին, ով ցուցարարների հետ խոսելու համար գնացել է համալսարանական հրապարակ: Մոտ հազար ցուցարարներ նրան դիմավորել են «Խայտառակություն», «Գողեր», «Հրաժարական» բացականչություններով:
Հասկանալով, որ նրանց հետ շփվել չի ստացվի, մի քանի րոպե անց նախագահը լքել է հրապարակը: Նրա հետևից լսվել են բացականչություններ՝ «Հետ»: Նախագահի անվտանգությունը դժվարությամբ է ճեղքել բազմությունը:
Բողոքի ակցիան Բուխարեստում սկսվել է անցած երեքշաբթի՝ գիշերային ակումբում հրդեհից հետո, ինչի հետևանքով մահացել է 45 մարդ, վիրավորվել 200-ը: Ցուցարարները պահանջում էին պատժել պաշտոնյաներին, ովքեր թաքցնում են կոռուպցիոներներին:
