Ռուսական RIA Novosti լրատվական գործակալության փոխանցմամբ՝ Եվրոպական հանձնաժողովը հուսով է, որ առաջիկա շաբաթներին կհաջողվի առաջընթաց գրանցել միգրացիոն ոլորտում Թուրքիայի հետ համագործակցությունում։
Այդ մասին հայտարարել է ԵՄ-ի դիվանագիտության ղեկավար Ֆեդերիկա Մոգերինիի պաշտոնական ներկայացուցիչ Մայա Կոսյանչիչը. «Մենք թուրքական իշխանությունների հետ աշխատում ենք այդ կարևոր հարցի շուրջ և վերջին շաբաթվա ընթացքում զգալիորեն ակտիվացրել ենք աշխատանքը։ Մենք կարծում ենք, որ դա պետք է շարունակվի։ Մենք տվյալ հարցի շուրջ աշխատանքներ ենք ակնկալում Թուրքիայի նոր կառավարության հետ և հուսով ենք, որ առաջիկա շաբաթներին կգրանցվի առաջընթաց»։
