Համացանցով վաճառվող չինական ապրանքների ավելի քան 1/3-ը կեղծված է կամ ցածրորակ։ Այս մասին հայտնում է «Սինհուա» գործակալությունը՝ հղում անելով զեկույցին, որը ներկայացվել է չինացի օրենսդիրներին։
Հաղորդվում է, որ համացանցով վաճառվող ապրանքների շուրջ 59 տոկոսը համապատասխանում է որակի պահանջներին։
Փաստաթղթում կա կետ անհրաժեշտության մասին, որպեսզի «որքան հնարավոր է՝ շուտ մշակվի օրենսդրություն, որը կկարգավորի վաճառքը էլեկտրոնային կոմերցիայի ոլորտում, կբարելավի վերահսկողությունը, կկազմակերպի բացատրական աշխատանք գնորդների իրավունքների ու վաճառողների պատասխանատվության հարցով»։
Զեկույցում ասվում է, որ այդ միջոցառումներն անհրաժեշտ է ընդունել հնարավորինս շուտ՝ կապված առցանց վաճառքի պայթյունավտանգ աճի հետ։ Առցանց վաճառքի ծավալը 2014-ին աճել է 40 տոկոսով և կազմել 441.8 մլրդ դոլար։ Ստացվել է 77.8 հազար բողոք՝ 3.5 անգամ ավելի 2013-ի համեմատ։
