Ամերիկացի զինվորականները Պակիստանի հատուկ ծառայություններին (Inter-Services Intelligence, ISI) անվանել են «ահաբեկչական կազմակերպություն» և այն դասել են «Ալ-Քաիդա»,-ի «Թալիբան»-ի և «Համաս»-ի շարքին: Այս մասին տեղեկանում ենք Wikileaks կայքից, որը հրապարակել է Գուանտանամոյի մասին մի շարք նյութեր:
Շատերը կարծում են, որ ԱՄՆ կենտրոնական հետախուզական վարչության և Պակիստանի հատուկ նշանակության ծառայությունների հարաբերությունները կարող են տուժել այս հրապարակումներից հետո: Wikileaks-ի նյութերում խոսվում է, որ Պակիստանի «հատուկ ծառայությունները օգնություն են ցուցաբերել «Ալ-Քաիդա»-ին ու «Թալիբան» շարժմանը և, հնարավոր է, մասնակցել են ԱՄՆ-ի ու ՆԱՏՕ-ի դեմ ռազմական գործողություններին»: Այս մասին հաղորդում է Associated Press գործակալությունը:
ԿՀԾ-ն և ISI-ին սկսել են սերտ համագործակցել 2001 թ. սեպտեմբերի 11-ի Նյու Յորքի ահաբեկչական գործողությունից հետո: Սակայն ամերիկացի պաշտոնյաները բազմիցս խոսել են այս համագործակցության վտանգավորության մասին: Նրանց կարծիքով, ISI-ի աշխատակիցները չէին կարող օգնություն ցույց տալ ԱՄՆ-ին ահաբեկիչների որոնողական աշխատանքներում, քանի որ նրանց հետ կապեր ունեին:
ԱՄՆ-ի և Պակիստանի հարաբերություններն էլ ավելի են վատացել վերջերս Լահորում տեղի ունեցած միջադեպից հետո, երբ ԿՀԾ աշխատակից Ռայմոնդ Դևիսը գնդակահարեց երկու պակիստանցու:
Մարտի կեսերին ԱՄՆ-ն կարողացավ նրան ազատել, որից հետո ԿՀԾ-ն և ISI-ին դադարեցրին իրենց համագործակցությունը:
