ՀՀ ֆինանսների նախարարի առաջին տեղակալ Պավել Սաֆարյանը, անդրադառնալով ՀՆԱ-պետական պարտք հարաբերակցության վերաբերյալ հարցին, հրապարակեց. «Պետական պարտքը 2015թ. սպասողական ՀՆԱ-ի նկատմամբ կազմել է 48,3 տոկոս, 2016թ. նախագծով կազմելու է 49,4 տոկոս, որից արտաքին պարտքը կազմելու է 42, 3 տոկոս, հաջորդ տարի 42,8 տոկոս: 42,3 տոկոսից Կենտրոնական բանկի պարտքը 4,9 տոկոս է՝ ինչպես 2015թ., այնպես էլ 2016թ. »:
Հարցին՝ 16 տոկոսով ավելանում է 3 և ավելի երեխաների ծնունդը, որի հետ կապված բյուջեով նախատեսված է 500 միլիոն գումար հատկացնել: Կառավարությունը նկատի ունենալով, որ սա ծնելիության աճի համար կարևոր ցուցանիշ է, հաշվարկներ կատարե՞լ է արդյոք, և հնարավո՞ր է 1-ին և 2-րդ երեխաների համար հատկացվող գումարները գոնե կրկնապատվկեն, Պ. Սաֆարյանը պատասխանեց, որ լրացուցիչ գումարներ հնարավոր չի եղել հատկացնել այդ նպատակով և հավելեց. «Չեմ կարծում, որ այդ գումարները, որոնք տրամադրում են երեխաների համար, այդպիսի մեծ ազդեցություն է ունենում՝ դեմոգրաֆիական առումով: Դա աջակցություն է, բայց պետք չէ գերագնահատել դրա դերը, որ եթե տան, միանգամից 15-20 տոկոսվ կբարձրանա ծնելիությունը: Եթե մեկը այդպես երաշխավորի, հետո էլ պատասխանատվություն կրի դրա համար, ապա կարելի է փորձարկել»:
