Ռուսական RIA Novosti լրատվական գործակալության փոխանցմամբ՝ «Գազպրոմը» չի բացառում Թուրքիայի հետ վեճի մինչդատյա կարգավորումը Ստոկհոլմի միջազգային դատարանում՝ կապված ռուսական գազի գնի հետ։ Այս մասին հայտարարել է «Գազպրոմի» պաշտոնական ներկայացուցիչ Սերգեյ Կուպրիյանովը:
«Միջնորդ դատարան հայց ներկայացնելը պայմանագրով նախատեսված տարբերակներից մեկն է։ Դա նորմալ է։ Շարունակում է մնալ ինչպես վեճի մինչդատյա կարգավորման, այնպես էլ միջնորդ դատարանի միջոցով կարգավորման հնարավորությունը»,- ասել է նա՝ հավելելով, որ Ռուսաստանը կարող է Թուրքիայի համար նվազեցնել գազի գինը։
