Չորեքշաբթի ամերիկյան միջմոլորակային Cassini զոնդի՝ Սատուրնի արբանյակ Էնցելադին մոտենալու արդյունքում NASA-ի գիտնականները հույս ունեն բացահայտել դրա ջրային արտանետումների առեղծվածը և որոշել արբանյակի վրա կյանքի պոտենցիալ հնարավորությունը: RIA Novosti-ի փոխանցմամբ՝ այս մասին հայտնել է առաքելության առաջատար աշխատակից Կերտ Նիբուրը:
Cassini-ն հոկտեմբերի 28-ին պետք է անցնի Էնցելադի հարավային բևեռի մակերևույթից 48 կմ հեռավորության վրա՝ նրա ջրային արտանետումների շրջանում: Դա կլինի սարքի 21-րդ անցումը մոլորակի կողքով և, ինչպես ակնկալում է NASA-ն, ամենանշանակալիցը:
Գիտնականները հույս ունեն, որ արբանյակի մոտենալու արդյունքում կհաջողվի ստանալու նրա ջրային արտանետումների քիմիական և մոլեկուլային կազմության մասին տեղեկություններ և հավանաբար լուծել դրանց առաջացման առեղծվածը:
