Ամերիկյան Ջորջիա նահանգի Սավանա քաղաքում տղամարդը, որը պատանդել էր հրշեջներին, հատուկ ջոկատայինների կողմից սպանվել է: Այս մասին հայտնում է Associated Press-ը՝ հղում անելով տեղի իրավապահներին:
Պայթյունի հետևանքով պատանդված հրշեջները թեթևակի վնասվածքներ են ստացել: Նրանց կյանքին վտանգ չի սպառնում: Պայթյունն իրականացրել են հատուկ ջոկատայինները` հանցագործին շեղելու համար:
Ավելի վաղ չարագործը, որը պատանդել էր 5 հրշեջի, ազատ էր արձակել նրանցից մեկին: Հակահրդեհային ծառայության ներկայացուցչի տեղեկություններով՝ պատանդին ազատ էին արձակել, որպեսզի վերջինս տան մոտից հեռացնի հրշեջ ծառայության մեքենան: Նշենք, որ տղամարտը պատանդներին պահում էր այդ տանը:
Տղամարդու արարքի դրդապատճառները անհայտ են մնում: Հայտնի է միայն, որ ավելի վաղ տղամարդուն տրվել էր հարկադիր վտարման և էլեկտրականության անջատման կարգադրություն:
Հրշեջները պատանդվել էին այն բանից հետո, երբ ժամանել էին ծառայությունում ստացված բժշկական օգնության մասին խնդրանքով զանգի նախանշած հասցեով: