Ռուսաստանի Ստավրոպոլի երկրամասային դատարանն այսօր ցմահ ազատազրկման դատավճիռ է կայացրել Պյատիգորսկում 9-ամյա Աննա Պրոկոպենկոյի բռնաբարության և սպանության մեջ մեղադրվող Վլադիմիր Համբարձումովի դեմ: Այս մասին հայտնում է Interfax-ը:
Համբարձումովը մեղավոր է ճանաչվել ընդհանուր առմամբ 7 հանցագործություններում (սեռական բնույթի բռնի գործողությունների, բռնաբարության, սպանության հոդվածներ): Նա հատուկ ռեժիմի գոտում ցմահ ազատազրկման դատապարտվելուց բացի, 1 մլն ռուբլի տագանք կվճարի աղջկա ընտանիքին:
Քննության ընթացքում պարզել են Համբարձումովի հանցավոր գործունեության հավելյալ փաստեր: Մասնավորապես, 2012 թվականի հուլիսի 3-ին նա Պյատիգորսկում բռնաբարել է երիտասարդ կնոջ, իսկ2004 թվականի սեպտեմբերին կոյուղուց արտահոսքի հետ կապված օգնության ցուցաբերման պատրվակով մտել է Պյատգորսկում բազմաբնակարան շենքերից մեկն ու սեռական բնույթի բռնի գործողություններ կատարել այնտեղ առանց ծնողների գտնվող 12 տարեկան աղջկա նկատմամբ:
Ինչպես ավելի վաղ տեղեկացրել էինք, Պրոկոպենկոն անհետացել էր 2012-ի հուլիսի 23-ին: Նա տանից դուրս էր եկել զբոսանքի և չէր վերադարձել: Մեկ օր անց երեխայի դին հայտնաբերել էին Մաշուկ լեռան մոտ: Մահից առաջ աղջիկը բռնության էր ենթարկվել:
