Թուրքիայում տեղի ունեցող իրադարձությունների շուրջ «Առաջին լրատվական»-ի հետ զրույցում իր դիտարկումները ներկայացրեց թուրքագետ Ռուբեն Մելքոնյանը. «Թուրքիան Արևմուտքի համար կարևոր գործընկեր է, և այն սառնությունը, որ երբեմն նկատվում է Թուրքիա-Արևմուտք հարաբերություններում, ավելի ստորադաս են նրանց խորքային, ռազմավարական հարաբերություններին, և ամեն կրիտիկական պահի կարող են ի ցույց դնել իրենց գերակա լինելը»:
Ըստ թուրքագետի՝ դա պայմանավորված է արտաքին և ներքին հանգամանքներով. «Մերկելի այցը շրջադարձային էր, քանի որ նա միշտ դեմ է արտահայտվել Թուրքիայի անդամակցությանը ԵՄ-ին: Դա կապված է նաև Սիրիայում տեղի ունեցող իրադարձությունների, ինչպես նաև ռուս-թուրքական հարաբերությունների նոր զարգացումների հետ»: Ռ. Մելքոնյանի կարծիքով՝ Եվրոպան միտված է կանխելու Թուրքիայի ձգտումները ավելի անկախ քաղաքականություն վարել:
Թուրքական վերնախավը, ըստ Ռ. Մելքոնյանի դիտարկման, միշտ փորձում է թանկ վաճառել ստեղծված իրավիճակում իր կարևորությունը. «Թուրքիան դառնում է փախստականներ ընդունող առաջին երկրներից մեկը, և Եվրոպայի խնդիրն է, այդ հանգրվանը հնարավորինս ընդգրկուն դարձնել, որպեսզի փախստականների ավելի քիչ հոսք տեղափոխվի Եվրոպա»:
Երկրորդ կարևոր գործոնը, ըստ թուրքագետի, Թուրքիայում ընթացող ներքին իրադարձություններն են. «Թուրքիայում ներքաղաքական կյանքում կրկին ակտիվանում են հեղաշրջման սցենարները, որը գնալով ավելի հավանական է դառնում»:
Ռ. Մելքոնյանն անդրադարձավ նաև Մերկելի հայտարարություններին, որոնցից մեկը կապված էր քրդական հարցի օրակարգային դառնալու հետ, մյուսը վերաբերում էր Փերինչեքի գործով ՄԻԵԴ-ի վճռի շուրջ Մերկելի և Դավութօղլուի քննարկմանը:
Մանրամասները՝ տեսանյութում: