Ռուսաստանի հայերի միության նախագահ Արա Աբրահամյանն իր «հանդիսավոր» խոսքում մասնավորապես նշեց. «Հանդիպումներ եմ ունեցել ՀՀ նախագահի հետ, նախարարների հետ, այդ թվում՝ նաև Սփյուռքի նախարարի, մենք մշակում ենք տնտեսական զարգացման նոր ուղի: Ես լավ գիտեմ նաև սփյուռքի պոտենցիալ ուժը՝ տնտեսական առումով, իհարկե ներդրումներ կատարվում են, հիմնականում Ռուսաստանի կողմից, բայց դա բավարար չէ»:
Ա. Աբրահամյանը շնորհակալություն հայտնեց իր գործընկերներին, փաստեց, որ Ռուսաստանի հայերի միությունն արդեն կայացած միություն է, իսկ թե ինչ հեղինակություն ունի այդ միությունը, ըստ Արա Աբրահամյանի, կարելի է իմանալ ադրբեջանական կայքերից. «Եթե դուք մտնեք ադրբեջանական կայքերը, կտեսնեք, թե ինչեր են գրում Ռուսաստանի հայերի միության մասին, դուք կտեսնեք Ռուսաստանի հայերի միության հեղինակությունը»:
