Hyatt հյուրանոցային ցանցը այցելուներին այլևս չի ցուցադրի պոռնոֆիլմեր։ Այս մասին հայտնում է Associated Press-ը։ Խոսքը վճարովի պոռնոալիքների մասին է, որոնք հյուրերը կարող էին դիտել իրենց համարներում։
Ընկերության հայտարարության մեջ ասվում է, որ այդ ծառայությունը կդադարեն տրամադրել նոր հյուրանոցներում, իսկ շուտով նման պրակտիկայից կհրաժարվեն նաև ցանցի բոլոր հյուրանոցները։ Նման որոշման պատճառ է համարվել ծառայության անշահութաբերությունը։
PKF Hospitality Research հետազոտական ընկերության գնահատականներով՝ 2000 թվականից ամենամյա եկամուտը հյուրանոցի յուրաքանչյուր համարի հաշվարկով 339 դոլարից նվազել է մինչև 107 դոլար։ Վերջին շրջանում հուրանոցի այցելուները սկսել են ավելի հաճախ նման կոնտենտ դիտել իրենց նոթբուքերով ու սմարթֆոններով։
Hyatt-ը դարձել է համաշխարհային հյուրանոցային վերջին ցանցերից մեկը, որը դադարեցրել է պոռնոկոնտենտի տրամադրումը։
