Հայտնի մարդկանց մեծամասնությունը, ովքեր իրենց պլաստիկ վիրահատությունների հակառակորդներ են ներկայացնում, պայքարում են բնական գեղեցկության համար: Նրանք ուղղակի չեն հաշվում այն պրոցեդուրաները, որոնք կատարվում են առանց նշտարի օգնության, բայց ոչ մի կապ չունեն բնական գեղեցկության հետ: Սակայն վիճակագրական տվյալները չեն լռում. Հոլիվուդում աճում է պլաստիկ վիրահատության դիմողների թիվը, իսկ քաղաքը ստացել է Սիրիկոնե հովիտ անվանումը:
Օրինակ, պլաստիկ վիրահատության հակառակորդ Ջենիֆեր Էնիսթոնը լազերային մշակումների երկրպագու է, Սիմոն Քոուելը բոտոքսը համեմատում է ատամի մածուկի հետ, իսկ Ջեննի Մաքքարթնին երկու ամիսը մեկ երիտասարդացնող ներարկումներ է ընդունում:
Աստղերից ոմանք մինչ այժմ հերքում են, որ դիմել են կոսմետոլոգների օգնությանը, և ասումեն, որ իրենց թարմությունը մաշկի լավ խնամքի արդյունք է: Միևնույն ժամանակ Ջենիֆեր Լոպեսն ասում է, որ երբեք չի օգտվել պլաստիկ վիրաբույժի ծառայություններից, Քիմ Քարդաշյանը հավատացնում է, որ իր հաստ շուրթերը գրիպից հետո առաջացած բարդությունների հետևանք են:
Լուրեր էին տարածվել, որ Մեգան Ֆոքսը բոտոքսի զոհ է դարձել, սակայն նա համացանցում լուսանկարներ է հրապարակել, որոնցում բոտոքսի հետք չկա։ Հենց բոտոքսն է կնճիռներից ազատվելու ամենատարածված տարբերակը: Ոչ ոքի համար գաղտնիք չէ, որ շատ հայտնիներ տառապում են վատ կոսմետոլոգների ապաշնորհության հետևանքով և հետագայում վառ օրինակ են դառնում, թե ինչպես չի կարելի անել:
