Ամերիկացի իրավապահները ձերբակալել են հանցագործին, որին ոստիկանությունը համարում է աշխարհում մանկական պոռնոգրաֆիայի թիվ մեկ մատակարարը: Ֆլորիդա նահանգի բնակչի տանը հայտնաբերել են մի քանի համակարգիչներ և արտաքին կոշտ սկավառակներ, որոնցում եղել է 500 հազարից մինչև մեկ միլիոն պոռնոգրաֆիական լուսանկար և տեսագրություն՝ անչափահասների մասնակցությամբ: Այս մասին հայտնում է Vesti-ն:
Բոլոր նյութերը Լիսբուրգ քաղաքի 51-ամյա բնակիչ Ջոն Շիրենը ոչ միայն պահել է իր մոտ, այլև տեղադրել համացանցում: Քննիչների հաղորդմամբ՝ իրենք գտել են ապացույցներ, որ երեխաները եղել են Շիրենի տանը: Հետաքննությունը, որի ժամանակ կպարզվի մանկապիղծի զոհերի ինքնությունը, շարունակվում է:
Շիրենին ձերբակալել են ապրիլի 2-ին՝ նրա ծննդյան 51-ամյակի օրը: Ոստիկանությունում հայտնել են, որ իրենց հաջողվել է դուրս գալ մանկապիղծի հետքի վրա մանկական պոռնոգրաֆիկ կայքերի մոնիթորինգի ընթացքում:
Այն պահին, երբ իրավապահները նրա տուն են ներխուժել, նա նոր տեսանյութ էր ներբեռնում: Նրա տանը հայտնաբերվել է նաև մանկական սպիտակեղեն՝ չնայած հանցագործը հայտարարել է, որ անձամբ է դրանք կրել:
Այժմ քննիչները մտադիր են զրուցել նրա հարևանների հետ, որոնք երեխաներ ունեն: Շիրենի դեմ առաջադրվել է 20 կետից բաղկացած մեղադրանք՝ կապված մանկական պոռնոգրաֆիայի պահման և տարածման հետ: Հետաքննության ընթացքում հնարավոր է՝ մեղադրական հոդվածներն ավելանան:
