Գյուղնախարարության Անասնաբուծության եւ տոհմային գործերի վարչության պետ Աշոտ Հովհաննիսյանը, մեզ հետ զրույցում մեկնաբանելով մի քանի օր առաջ իր այն հայտարարությունը, թե պանիրն էժանացել է, այնինչ Տնտեսական մրցակցության պաշտպանության պետական հանձնաժողովի մոնիտորինգը ՀՀ սպառողական շուկայում էժանացում չէր արձանգրել, նշեց, որ ինքը մոռացել է ընդգծել, որ միայն «Արզնին» է պանրի գինն իջեցրել: «Որովհետեւ դա միայն «Արզնին» իր անձնական նախաձեռնությամբ ակցիա արեց: Իսկ մնացած արտադրողները այդպես էլ չհետեւեցին նրա օրինակին: Մտածելով, թե մյուսներն էլ կհետեւեն իր օրինակին եւ իրենց շահույթի նվազեցման հաշվին ժողովրդին մի լավ բան կանեն: Բայց չարեցին»:
