Ամերիկյան դպրոցներից մեկի հինգերորդ դասարանի աշակերտը հոր ատրճանակով սպանել է իր 8-ամյա հարևանուհուն. երկու երեխաները վիճել են շնիկի պատճառով: Այս մասին հայտնում է WBIR հեռուստաալիքը:
Ուայթ Փայն օկրուգի բնակիչները լսել են կրակոցի ձայն և ոստիկանություն կանչել: Դեպքի վայր ժամանած իրավապահները հայտնաբերել են կրծքավանդակի հրազենային վնասվածքով գետնին ընկած աղջկա: Նրան հիվանդանոց են հասցրել, սակայն բժիշկներն արձանագրել են նրա մահը:
Ոստիկանապետ Բադ ՄաքՔուագը հայտնել է, որ 11-ամյա տղան աղջկան սպանել է 12 տրամաչափի զենքով: Նա տղայի արարքի դրդապատճառների մասին ոչ մի մանրամասն չի հայտնել, բայց հարևանները պատմել են, որ երեխաները շնիկի պատճառով վիճել են:
Տղային անչափահասների գործերով դատարանը մեղադրել է առաջին աստիճանի ծանր սպանության մեջ, նա ձերբակալված է: Գործով լսումը նշանակված է երկուշաբթի առավոտյան: Ներկայումս պարզվում է՝ արդյոք նա տառապո՞ւմ է որևէ հոգեկան հիվանդությամբ:
