Բուենոս Այրեսում և դրա շրջակայքում ջրհեղեղի հետևանքով զոհերի թիվը հասել է 54-ի: Այդ մասին հաղորդել է Agence France-Presse-ը՝ հղում կատարելով տեղի իշխանություններին: Զոհերի մեծ մասը հայտնաբերվել են ապրիլի 4-ին:
Արդեն երկրորդ օրն է՝ շարունակվում են հորդառատ անձրևները, որոնք հանգեցնում են ջրհեղեղի:
Ամենաշատ զոհերը գրանցվել են Լա Պլատա համալսարանական քաղաքում՝ տեղակայված Բուենոս Այրեսից 60 կմ հեռավորության վրա: Այստեղ տեղումների քանակը ռեկորդային էր՝ երկու օրվա ընթացքում 40 սմ: Քաղաքի գրեթե կեսը մնացել է առանց էլեկտրականության, խաթարվել է հեռախոսային կապը:
Արգենտինայի նախագահը ուղղաթիռով այցելել է աղետի գոտի, որտեղ բնակվում է նաև նրա մայրը: Նախագահը հաղորդել է, որ իր մոր բնակարանն էլ է մնացել առանց լույսի ու գազի, բայց տարեց կինը հրաժարվում է լքել այն:
Բուենոս Այրեսում տեղումների չափը կազմել է 15 սմ:
