ԱՄՆ նախագահի թեկնածու Ջեբ Բուշը նախընտրական միջոցառման ժամանակ քննադատել է Դոնալդ Թրամփին: Բուշի խոսքերով` նրա մրցակիցը շատ եսակենտրոն է և, վերջապես, նրա «հասունանալու ժամանակն է»: Այս մասին հաղորդում է CNN-ը:
«Եթե ես ինձ պահեմ ինչպես Թրամփը, իմ մայրիկը ականջներս կձգի»,- հայտարարել է Բուշը ընտրողների հետ հանդիպման ժամանակ: Քաղաքական գործչի խոսքերով` «ինքն այնպիսի տղա չէ, ով բեմահարթակից խոսում է միայն իր մասին` ես, ես, ես, ինձ, ինձ, ինձ»:
«Ես էներգիայով եմ լիցքավորվում` օգնելով մարդկանց ստանալ այն կյանքի հնարավորությունը, որը նրանք ցանկանում են: Մեզ պետք է կառավարման հենց նման տեսակ` ծառայության վրա հիմնված կառավարման»,- ասել է Բուշը` հավելելով, որ «մարդկանց ասելով, թե իրենք որքան հիմար են, հաղթել չի ստացվի»:
