ԱՄՆ-ում ձերբակալել են թալանչի զույգին։ Նրանք պարծեցել էին գողացված փողերով Facebook սոցցանցում։ 28-ամյա տղամարդն ու նրա 24-ամյա ընկերուհին Օհայո նահանգում բանկ էին թալանել օգոստոսի 24-ին։ Սեպտեմբերի 23-ին տեղի են ունեցել գործով նախնական լսումները։
NBC12-ի հաղորդմամբ՝ սև վերնաշապիկով տղամարդը մտել է բանկ և գանձապահին տվել գրություն, որում, ըստ ամենայնի գումար է պահանջել։ Գանձնապահը նրան կանխիկ գումար է տվել, և գողը հեռացել է։ Ինչն է նրան ստիպել լուսանկարել փողերն, ու լուսանկարը տեղադրել համացանցում, չի հաղորդվում։
Ինչ վերաբերում է նրա ընկերուհուն, ապա նա օգնել է նրան թաքնվել հանցանքի վայրից։ Աղջիկը հերքում է իր մասնակցությունը թալանին, սակայն դեռևս գտնվում է կալանքի տակ։
Ինչպես պարզվել է՝ տղամարդը վերջերս է դուրս եկել բանտից, որտեղ պատիժ է կրել նախկին թալանի համար։ Նրան կալանավորել են, սակայն կարող են 250 հազար դոլարի չափով գրավի դիմաց ազատ արձակել։
