Haqqin.az պորտալի փոխանցմամբ՝ ԵԱՀԿ ԽՎ-ն իր դիտորդներին չի ուղարկի Ադրբեջան՝ կապված նոյեմբերի 1-ին այդ երկրում անցկացվելիք խորհրդարանական ընտրությունների հետ։ Այդ մասին հայտարարել է կազմակերպության նախագահ Իլկկա Կաներվան։
Ուլան Բատորում տեղի ունեցած ԵԱՀԿ ԽՎ նստաշրջանի ժամանակ Կաներվան հայտարարել է, որ իր կազմակերպությունն անսացել է ԵԱՀԿ/ԺՀՄԻԳ-ի խորհուրդներին ու հրաժարվել է դիտորդներ ուղարկել Ադրբեջան:
«Ադրբեջանը պահանջել է կրճատել ԺՀՄԻԳ-ի դիտորդական առաքելության անդամների թիվը, որն ավանդաբար ԵԱՀԿ գործընկերն է։ Այդ պատճառով կառույցը հարկադրված է եղել չեղյալ հայտարարել դիտորդական առաքելության պլանավորած այցն Ադրբեջան։ Կարծում եմ, որ մեր մոտ գործընկեր ԺՀՄԻԳ-ը չի կարող հետևել Ադրբեջանի ընտրությունների ընթացքին, մենք նույնպես չենք անի դա»,- ասել է նա։
