Ադրբեջանական Radioazadlyg.org կայքը, վկայակոչելով Turan լրատվական գործակալությանը, նշում է, որ Ադրբեջանը կոշտացրել է օտարազգի լրագրողներին տրվող անցագրի պայմանները.
«Արտասահմանում Ադրբեջանի դեսպանատներ դիմած մի շարք օտարազգի լրագրողներ բախվել են անցագրի ստացման խստացված պայմաններին: Ներկայումս այդ լրագրողներից պահանջվում է ներկայացնել Ադրբեջանին առնչվող իրենց գրած նախկին նյութերը:
Բացի այդ, նրանցից մեկին ադրբեջանական դեսպանատանն իսկական հարցաքննության են ենթարկել. ինչպե՞ս է տրամադրված ադրբեջանական ներկայիս իշխանությունների հանդեպ, կոնկրետ ի՞նչ նպատակներ է հետապնդում Ադրբեջան այցելելիս, ո՞ւմ հետ է մտադիր հանդիպումներ ունենալ Ադրբեջանում և այլն»:
Հիշեցնենք, որ ապրիլի 17-ին Բաքվում ընդդիմադիր ուժերի կազմակերպած ցույցի ցրման ժամանակ ձերբակալվել էին երեք շվեդ լրագրողուհիներ, որոնք դրանից քիչ անց արտաքսվել էին Ադրբեջանից` «անցագրային ռեժիմի խախտման» պատճառաբանությամբ:
