ԱՄՆ նախագահի պաշտոնի հավակնորդ Հիլարի Քլինթոնը հայտարարել է, որ իր մրցակից Դոնալդ Թրամփը պետք է ներողություն խնդրի այն բանի համար, որ չի ընդհատել ընտրողին, որը պետության ղեկավար Բարաք Օբամային անվանել է մուսուլման: NBC News-ի հաղորդմամբ՝ նա բոլոր հավակնորդներին կոչ է արել «սկսել իրենց պահել այնպես, ինչպես հարիր է նախագահին, հարգանք ցուցաբերել և կանգնել ճշմարտության կողմը»:
«Ես ցնցված էի: Ոչ այնքան նրանից, որ դա բոլոր շրջանակներից դուրս էր, որքան նրանից, որ դա ճիշտ չէր: Թրամփը ի սկզբանե պետք է հրաժարվեր նման հռետորաբանությունից»,- ասել է Քլինթոնը: Նա նշել է, որ ընտրողի խոսքերը կրում են «խտրականության բնույթ, իսկ քաղաքականության մեջ դա տեղ չունի»:
«Խնդիրն այն է, որ Օբաման պատերազմ է վարում այս երկրի քրիստոնյաների դեմ: Քրիստոնյաներն աջակցության կարիք ունեն, նրանց կրոնական ազատությունը սպառնալիքի տակ է»,- ի պատասխան ասել է Թրամփը:
