ՀՀ տարածքային կառավարման եւ արտակարգ իրավիճակների նախարարությունում սեպտեմբերի 18-ին` ժամը 02.07-ին, տեղեկատվություն է ստացվել, որ Լոռու մարզի Պուշկինո գյուղի ոլորաններում տեղի է ունեցել ՃՏՊ, բախվել են ավտոմեքենաներ, կան տուժածներ. անհրաժեշտ է փրկարարների օգնությունը: Ինչպես տեղեկացրին ՀՀ տարածքայի ն կառավարման եւ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:
Պարզվել է, որ Ստեփանավան-Վանաձոր ավտոճանապարհի 15-րդ կմ-ում` Պուշկինո գյուղի ոլորաններում, բախվել են «ՎԱԶ-2107» մակնիշի 14 US 701 պետհամարանիշի (վարորդ` 1988թ. Գ. Գ.) և «ԲՄՎ X5» մակնիշի 34 TA 903 պետհամարանիշի (վարորդ` 1993 թ. ծնված Ա. Ս.) ավտոմեքենաները: Մինչև հրշեջ-փրկարարների կանչի վայր հասնելը, «ՎԱԶ-2107» մակնիշի ավտոմեքենայի վարորդ Գ.Գ-ը, ուղևորներ Յ. Կ.-ը, Կ. Գ.-ը (ծնված 1958թ.) և Մանուշ Գոգինյանը (ծնված 1965թ.) հոսպիտալացվել են Ստեփանավան քաղաքի ԲԿ, որտեղ բժիշկները տուժածների առողջական վիճակը գնահատել են ծանր:
Հրշեջ-փրկարարները գազազրկել և հոսանքազրկել են ավտոմեքենաները:
