Apple-ի եկամուտները ֆինանսական տարվա երկրորդ կիսամյակում կտրուկ աճել են` շնորհիվ iPhone-ի նկատմամբ մեծ պահանջարկի: BBC-ի փոխանցմամբ, 2011թ. առաջին երեք ամիսներին Apple-ի եկամուտներն աճել են 95%-ով: Անցած տարվա նույն ժամանակահատվածում եկամուտը կազմել է 3 մլրդ դոլրա` այս տարվա 5.99 մլրդ-ի դիմաց:
Ընկերության հիմնադիր և նախկին ղեկավար Սթիվ Ջոբսը իր մեկնաբանությունն է տվել այս աճի կապակցությամբ: Նա ասել է, որ «Apple-ը կշարունակի հարձակվել բոլոր ուղղություններով», և նրա ցուցանիշները տարվա վերջում կլինեն ավելի տպավորիչ:
Մասնագետները նշում են, որ այս հաջողությունը հիմնականում կապված է iPhone սմարթֆոների նկատմամբ եղած մեծ պահանջարկի հետ: Միայն այս 2011թ.-ի առաջին եռամսյակում վաճառվել է 18.5 մլն հատ հեռախոս: Ավելի վատ ցուցանիշներ են արձանագրվել iPad պլանշետային համակարգիչների դեպքում: Վաճառվել է ընդամենը 4.7 մլն սարք, ինչը ցածր է ընկերության նախնական կանխատեսումներից:
