Հղի Քիմ Քարդաշյանն օրեր առաջ դատարան է այցելել իր ամուսնալուծության գործի կապակցությամբ ու ընդունել, որ ինչ-որ ժամանակ սիրել է ամուսնուն՝ Քրիս Համֆրիսին: Որոշ աղբյուրների համաձայն՝ դատական գործի լսումները կայացել են աստղի փաստաբանի գրասենյակում և ընդհանուր առմամբ տևել են 9 ժամ:
Քիմն ու Քրիսը միասին ապրել են 72 օր, որից հետո զույգը որոշել է բաժանվել՝ «անհամաձայնությունների» պատճառով: Բասկետբոլիստի հարազատները պնդում են, որ նրանց ամուսնությունն ուղղակի կեղծ է եղել՝ Քարդաշյանների ընտանիքին որակյալ ու գեղեցիկ գովազդ էր հարկավոր: Եվ բնական է. 30-ամյա Քիմն այլ գաղափար չէր կարող հղանալ, քան հարսանիք կազմակերպելը. լավ բեմադրված շոու: Նրանց, որպես ամուսիններ, գրանցվելուց հետո Քարդաշյանների ռեալիթի-շոուն անասելի եկամուտներ է ունեցել, սակայն Քիմը միանգամից այնպես է սառել ամուսնու նկատմամբ, որ նա որոշել է հեռանալ կնոջից:
Իսկ հիմա Քիմը փորձում է պահպանել իր պատիվը և սեր է խոստովանում նախկին ամուսնուն: Նրա այդ հայտարարությունը ոչ մի ազդեցություն չի գործել դատավորի ու փաստաբանների վրա:
Նշենք, որ NBA-ի աստղը ներկա չի գտնվել դատական նիստին: Ամուսնալուծության գործընթացը սկսվելու է մայիսին, և մնում է հույս ունենալ, որ այն կավարտվի մինչև երեխայի ծնունդը:
