Դեռևս մեկ տարի առաջ ենթադրյալ օրինախախտին, որը սպառնում էր պայթեցնել դպրոցը, FBI-ը Associated Press գործակալության անվամբ էլեկտրոնային հաղորդագրություն է ուղարկել: Ֆայլն անմիջապես վիրուսով է վարակվել, որի շնորհիվ հնարավոր է դարձել գտնել այն համակարգչի տեղը, որտեղից ենթադրյալ օրինախախտը ստուգում էր իր էլեկտրոնային փոստը: Այդ մարդուն ձերբակալել են: Պարզվել է` նա 15-ամյա դեռահաս էր, հաղորդում է TASS-ը:
FBI-ի տնօրեն Ջեյմս Քոմին փորձել է արդարացնել այս գործողությունը` չբացառելով, որ նման մեթոդները կարող են կրկնվել: Սակայն Associated Press-ը և այլ լրագրողական կազմակերպություններ դեմ են դրան:
«Գրելու ազատության սկզբունքի համապատասխան՝ չի կարելի թույլ տալ, որ կառավարության ծառայողները ելույթ ունենան Associated Press-ի կամ այլ ԶԼՄ-ների անունից: FBI-ի մտահղացմամբ` կեղծ հոդվածը նախատեսված էր միայն մեկ մարդու համար, սակայն նա այն ուղղակի կարող էր սոցկայքերում տարածել, և հազարավոր մարդիկ մեր ստորագրությամբ հաղորդագրություն կստանային, որը, ըստ էության, կառավարական ապատեղեկատվություն է»,- հստակեցրել են գործակալությունում:
Այժմ Associated Press-ը դատական կարգով ԱՄՆ արդարադատության նախարարությունից պահանջել է տեղեկություն ներկայացնել FBI-ի աշխատակիցների կողմից կեղծված լրագրողական նյութի մասին: Համապատասխան դատական հայցը ներկայացվել է Կոլումբիա մայրաքաղաքային շրջանի դատարան:
