RIA Novosti-ի փոխանցմամբ՝ երկուշաբթի Ֆրանսիայի նախագահ Ֆրանսուա Օլանդը հայտարարել է, որ Ամստերդամից Փարիզ ուղևորվող Thalys գնացքում կրակոցները ցույց են տալիս «նոր ահաբեկչական հարձակումների» պատրաստ լինելու անհրաժեշտությունը:
Չարագործը ուրբաթ օրը կրակոցներ էր արձակել Ամստերդամից Փարիզ ուղևորվող գնացքում: Տուժել է երեք մարդ: Ուղևորներին հաջողվել է վնասազերծել նրան: Վնասազերծողների մեջ երկու ամերիկացի զինվորականներ են եղել, որոնցից մեկը հրազենային վնասվածք է ստացել, մյուսը դանակահարվել է:
«Մենք պետք է պատրաստվենք նոր ահաբեկչական հարձակումների և պետք է պաշտպանենք ինքներս մեզ»,- Փարիզում ֆրանսիացի դեսպանների հետ հանդիպման ժամանակ հայտարարել է Օլանդը:
