Թուրքական soL Haber պորտալի փոխանցմամբ՝ «Դեմոկրատական հասարակություն կոնգրես» կուսակցության համանախագահ Հաթիփ Դիջլեն ներկայացրել է երկրի նախագահ Ռեջեփ Էրդողանի վերաբերյալ քուրդ առաջնորդ Աբդուլլահ Օջալանի ուշագրավ հայտարարությունը։
Նրա խոսքով՝ Աբդուլլահ Օջալանը հայտարարել է, որ Էրդողանը կարող է ունենալ Լիբիայի նախկին առաջնորդ Մուամմար Քադաֆիի ճակատագիրը՝ ենթարկվելով Լինչի դատաստանին. «Մերձավոր Արևելքը շարունակ բոցերի մեջ է։ Պարոն Օջալանը մեծ ջանքեր գործադրեց, որպեսզի այդ բոցերը չհասնեն մեզ և չտարածվեն Թուրքիայում։ Սակայն երեք տարվա այդ աշխատանքին ու ջանքերին տրվեց հարձակողական պատասխան»։
Մեկնաբանելով Թուրքիայում ստեղծված ներկայիս իրավիճակը՝ Օջալանը զգուշացրել է, որ իրավիճակը կարող է դուրս գալ վերահսկողությունից. «Եթե այս գործերը դուրս գան վերահսկողությունից, ապա նրանց ավարտը կլինի կա՛մ Օզալի նման՝ թունավորմամբ, կամ էլ Մենդերեսի նման՝ ռազմական հեղաշրջման ճանապարհով պաշտոնանկություն։ Կարող է լինել նաև Քադաֆիի ճակատագրի նման՝ փողոցում ենթարկվել Լինչի դատաստանին»։
