Bloomberg գործակալության փոխանցմամբ՝ Իրանը պլանավորում է ամեն գնով ընդլայնել նավթի արդյունահանումը՝ պաշտպանելու համար շուկայում երկրի բաժնեմասը։ Այդ մասին հայտարարել է Իրանի նավթարդյունաբերության նախարար Բիջան Նամդար Զանգանեն:
«Մենք արդյունահանումն ընդլայնելու ենք ամեն գնով, և մենք չունենք այլընտրանքներ։ Եթե նավթի արդյունահանումը չմեծացվի արագ, ապա մենք մշտապես կկորցնենք շուկայում մեր մասնաբաժինը»,- ասել է նա։
Զանգանեն հավելել է, որ Իրանը Նավթ արտահանող երկրների կազմակերպության (OPEC) մյուս անդամներին կոչ է անում գումարել արտակարգ նիստ՝ քննարկելու նավթի շարունակվող գնանկման դեպքում պատասխան միջոցները։ Իրանը մինչև 2012 թվականն իր դեմ սահմանված պատժամիջոցները նավթի արդյունահանման ծավալով OPEC-ում զբաղեցրել է երկրորդ տեղը։
