Ռուսաստանի Դաշնության նախագահի գործերի կառավարիչ Վլադիմիր Կոժինը հայտարարել է, որ Վլադիմիր Լենինի մարմինը պետք է թաղվի: Նա նաև ասել է, որ Խորհրդային Միության ժամանակաշրջանում Կրեմլի պատի տակ թաղված քաղաքական և հասարակական գործիչների գերեզմանները նույնպես տեղափոխվելու են:
Այս մասին հաղորդում է «Էխո Մոսկվի» ռադիոկայանը:
Նա հավելել է, որ այս պահին ոչ մի կոնկրետ առաջադրանք այդ ուղղությամբ չի ստացել, և չգիտի, թե երբ կստանա, սակայն վստահ է, որ վերահուղարկավորման այդ գործողությունն անպայման տեղի է ունենալու: Նա նաև հաստատել է, որ իրավիճակն այս հարցի շուրջ բավականին բարդ է, քանի որ Կրեմլի պատի տակ թաղվածների բարեկամների մի մասը ցանկանում է, որպեսզի իրենց նախնիների մարմինները թաղվեն քրիստոնեական ավանդույթի համաձայն, իսկ մյուս մասը կտրուկ դեմ է որևէ վերահուղարկավորման: