Ավստրալիայի Փերթ քաղաքի սուպերմարկետում գնորդ Ռոուան Օ՝Նիլը կարողացել է փրկել երկու տարեկան աղջկա կյանքը, որն իրենց աչքի առջև դադարել է շնչել մոր գրկում: Այս մասին հայտնում է LifeNews-ը:
Տղամարդն առաջինն է օգնության եկել խուճապահար կնոջը, երբ փոքրիկ Շայլարը անսպասելիորեն կորցրել է գիտակցությունը ընտանեկան գնումների ժամանակ:
Տեսահսկման խցիկները ֆիքսել են այն պահը, երբ աղջկա մայրը՝ Էմի Քոլարդը, երեխայի անշնչացած մարմինը գրկին վազելով մոտեցել է դրամարկղին և օգնություն հայցել պատահական մարդկանցից: Մինչ կինն ամուսնուն էր փնտրում, Ռոուան Օ՝Նիլը փորձեր է ձեռնարկել աղջկան ուշքի բերելու համար: Մարդիկ հարվածել են աղջկա մեջքին՝ կարծելով, որ նա ինչ-որ բանից խեղդվել է:
Տեսնելով, որ աղջիկը գիտակցության չի գալիս, Օ՝Նիլը նրան արհեստական շնչառություն է տվել: Մեկ ակնթարթ անց երեխան բացել է աչքերն ու շնչել:
Ծնողներն իրենց խորին երախտագիտությունն են հայտնել նրան՝ իրենց դժբախտությանը արագ արձագանքելու համար:
Աղջկան տեղափոխել են հիվանդանոց: Նրա մոտ բժիշկները արձանագրել են բարձր ջերմություն և տենդ: Նա մեկ գիշեր անցկացրել է հիվանդանոցում, որից հետո դուրս է գրվել: Նրա կյանքին վտանգ չի սպառնում:
