ՀՅԴ-ն պատրաստվում է պահանջել ՀՀ կառավարության հրաժարականը և արդեն իսկ սկսել է այդ գործընթացը:
Երեկ ԱԺ ՀՅԴ խմբակցությունը հարցապնդում է ներկայացրել կառավարությանը` կապված երկրում տիրող իրավիճակի հետ և սպասում է պատասխանի:
Այս մասին այսօր հայտարարեց ԱԺ ՀՅԴ խմբակցության պատգամավոր Արծվիկ Մինասյանը` հրավիրված ասուլիսի ժամանակ:
«Առաջին լրատվականի» հետ զրույցում ՀՅԴ ԳՄ անդամ, ԱԺ պատգամավոր Արա Նռանյանը տեղեկացրեց, որ ԱԺ-ում իրենք կբարձրացնեն կառավարությանը հրաժարական ներկայացնելու հարցը:
«Դեռ չենք ասում, որ դա վերջնական որոշում է, բայց մենք գործընթացը կսկսենք օրենքով սահմանված կարգով»,- նշեց Նռանյանը` հավելելով. «Դա պահանջում է հետևողական աշխատանք, և չեմ ուզում հիմա ասել ոնց ենք անելու և որքան է հավանականությունը»: