ԱՄՆ-ը պատրաստ է ընդունել միջուկային ծրագրի խաղաղ բնույթի հետ կապված Իրանի երաշխիքները որպես հիմք՝ իրանական հարցի շուրջ փոխզիջումային որոշման որոնման համար: RIA Novosti-ի փոխանցմամբ՝ այս մասին հայտարարել է ԱՄՆ նախագահ Բարաք Օբաման:
«ԱՄՆ-ը նախընտրում է լուծել այդ հարցը դիվանագիտական ճանապարհով: Եթե իրանցի առաջնորդները հայտարարում են, որ միջուկային ծրագիրը խաղաղ բնույթ է կրում, ապա խնդրի խաղաղ լուծման հիմք կա: Այդ լուծումը Իրանին հասանելիություն կտա դեպի խաղաղ ատոմ, էներգետիկա, և վերջնականապես կվերանան միջուկային ծրագրի նշանակության բոլոր լուրջ հարցերը»,- ասել է Օբաման մոտեցող Նովրուզի առիթով արված հայտարարության մեջ:
Օբաման վստահեցրել է, որ ԱՄՆ-ը, ինչպես նաև միջազգային հանրությունը, պատրաստ է նման երաշխիքների հիման վրա Իրանի միջուկային խնդրի լուծման: Օբաման նշել է, որ ներկայում նախաձեռնությունը պատկանում է իրանական կառավարությանը:
«Այժմ ժամանակն է, որ իրանական կառավարությունը ձեռնարկի անհապաղ և նշանակալի քայլեր լարվածության նվազեցման ուղղությամբ և սկսի աշխատել միջուկային հարցի շուրջ համապարփակ, երկարաժամկետ համաձայնագրի մշակման վրա: Նման լուծում որոնելը հեշտ չի լինի, սակայն եթե մենք կարողանանք այն հաղթահարել, ապա իրանցի ժողովուրդը հնարավորություն կստանա ամրապնդելու կապերն ու առևտրային հարաբերությունները այլ երկրների հետ՝ ներառյալ ԱՄՆ-ի»,- նշել է նախագահը: