Այսօր Երևանի փողոցներում փոշու մեծ ծածկույթը առաջացրել է բնակիչների անհանգստությունը, և սոցիալական կայքերում արդեն իսկ քննարկումներ են ծավալվել, թե դա կապված է Հայաստանի ատոմակայանի աշխատանքի հետ:
Նշենք, որ ատոմակայանը վերջին շրջանում պրոֆիլակտիկ աշխատանքներ իրականացնելու պատճառով չէր գործում, իսկ երեկվանից այն ամբողջ թափով սկսել է գործել և միացել է ցանցին:
ՀՀ էներգետիկայի նախարարության մամլո խոսնակ Լուսինե Հարությունյանը «Առաջին լրատվական»-ի հետ զրույցում հերքեց այդ տեղեկությունները և նշեց, որ ատոմակայանի հետ կապված որևէ խնդիր չկա, ու վերջինիս գործունեությունը չի կարող փոշու կամ այլ արտանետումների պատճառ լինել: