Շվեդիայի դատախազությունը WikiLeaks-ի հիմնադիր Ջուլիան Ասանժի վրայից, որն ավելի քան 3 տարի թաքնվում է Լոնդոնում Էկվադորի դեսպանատանը, հանել է սեքսուալ բնույթի հանցագործությունների համար 4 մեղադրանքից 2-ը: TASS-ի հաղորդմամբ՝ այս մասին տեղեկացրել է սկանդինավյան պետության դատախազությունը:
Դա կապված է այդպիսի մեղադրանքների համար նախատեսված՝ 5 տարվա վաղեմության ժամկետի սպառման հետ՝ համաձայն այդ սկանդինավյան երկրի օրենսդրության: Ավելի վաղ դատախազությունում TASS-ին հայտնել էին, որ մեղադրանքներից ևս մեկը կհանվի օգոստոսի 18-ին:
Վերջին՝ բռնաբարության գործով մեղադրանքի ժամկետը սպառվում է 2020թ.:
Անձամբ Ասանժը հերքում է բոլոր 3 մեղադրանքները և դրանք համարում քաղաքական հետապնդում:
