Կառավարման «Սկոլկովո» մոսկովյան դպրոցի հետազոտության համաձայն, որի հոգաբարձուն է գործարար Ռուբեն Վարդանյանը, ունևոր ռուս գործարարների միջին տարիքը 48-ն է։ 10-20 տարի անց նրանց բոլորի համար կպահանջվեն բիզնեսի և կարողության փոխանցումը ձևակերպող ծառայություններ։
«Խոսքը ոչ միայն օլիգարխների մասին է, այլև միջին դասի գործարարների»,- նշել է Վարդանյանը՝ հավելելով, որ այդպիսի անձանց թիվը ոչ թե հարյուրներով, այլ տասնյակ հազարներով կարելի է հաշվել՝ փոխանցում է Forbes-ը։
Այս ամռան սկզբին Վարդանյանը բացել է Phoenix Advisors ընկերությունը և multifamily office-ը, որի անունը դեռևս չի նշվում։ Դրանց աշխատանքները համակարգում է «Ռենեսանս Կապիտալ» ընկերության նախկին նախագահ Ալեքսանդր Մերզլենկոն, ով պատասխանատվություն է կրում առանցքային հաճախորդների հետ կապերի համար։ Տվյալ բիզնեսի կարևորագույն մասը պաշտպանների ստեղծումն է։ Պաշտպանը՝ Վարդանյանի ընկերության ներկայացուցիչը, ներկայացնում է ընտանեկան բիզնեսի ժառանգների շահերը։ Բիզնեսի առանձնահատկությունը կայանում է պաշտպանի և սեփականատիրոջ միջև վստահության բարձր մակարդակում։
Վարդանյանը բացատրում է, որ այդ ծառայությունն անհրաժեշտ է ընտանիքի ակտիվները պաշտպանելու համար, և որ ինքն ունի ժառանգների համար նման մեխանիզմի կիրառման փորձ։