Գեղեցիկ մարդիկ գեղեցիկ են նույնիսկ այն ժամանակ, երբ դեմքի տգեղ արտահայտություններ են ընդունում: Նման եզրակացության եկել են գիտնականները: Եթե նրանք խոժոռվում են զզվանքից կամ կնճռոտվում են զարմանքից, միևնույն է՝ նրանք գրավիչ են: Սակայն դրա հետ մեկտեղ անհրապույր մարդիկ միշտ այդպիսի տեսք կունենան, նույնիսկ եթե նրանց դեմքին շողում է ամենապայծառ ժպիտը: Պորտսմութի համալսարանի գիտնականներն իրենց հետազոտությունն են իրականացրել, որին մասնակցել է 128 տղամարդ և կին:
Հետազոտության բոլոր մասնակիցները գնահատել են 30 տղամարդկանց և կանանց գրավչությունը, որոնցից յուրաքանչյուրը նկարահանվել է համապատասխան դեմքի արտահայտությամբ՝ երջանիկ, չեզոք, տխուր, վախեցած, բարկացած կամ զզված: Ինչպես տղամարդիկ, այնպես էլ կանայք յուրաքանչյուր դեմքի գրավչությունը գրեթե նույն կերպ են գնահատել, անկախ նրանից, թե ինչ սեռի են հետևել՝ սեփական, թե հակառակ: Դա որևէ դեր չի խաղացել գրավչության որոշման հարցում:
Այդ կերպ հայտնաբերվել է, որ և՛ տղամարդիկ, և՛ կանայք ընդունում են գրավչությունը միևնույն կերպ: Բացի այդ, գիտնականները եկել են այն եզրակացության, որ գեղեցիկ դեմքերը չեն կորցնում իրենց գրավչությունն՝ անկախ դեմքի արտահայտությունից: Եվ գեղեցիկ դեմքն ամենատհաճ արտահայտության դեպքում անգամ վանող ռեակցիա չի առաջացնում:
