Թուրքական Ihlas լրատվական գործակալության փոխանցմամբ` Թուրքիայում ահաբեկչական հռչակված ու արգելված «Քրդստանի աշխատավորական» կուսակցության (PKK) զինյալների խումբը գիշերային ժամերին փակել է Կարս-Էրզրում-Իգդիր ավտոճանապարհը:
Այստեղ նրանք կանգնեցրել են Իգդիրից Կարսի միջոցով Էրզրում ուղևորվող մարդատար մի ավտոբուս և բեռնատարների ու պատանդ են վերցրել 70 մարդու: PKK-ականները հինգ ժամ անց ազատ են արձակել պատանդներին, սակայն այրել են ուղևորատար ավտոբուսն ու 3 բեռնատար:
Միջադեպը գրանցվել է Կարսի նահանգի Քաղըզման շրջանում, ուր նախորդ օրերին PKK-ի զինյալներն այրել են 13 ավտոմեքենա: Ադրբեջանական մամուլի պնդմամբ` PKK-ի կողմից պատանդ վերցվածներից 30-ը եղել են ադրբեջանցի:
