Նավթի համաշխարհային գները շարունակում են ընկնել: Այս մասին հայտնում է gazeta.ru-ն՝ վկայակոչելով առևտրի տվյալները:
Մեր ժամանակով 22.47-ի դրությամբ Brent ապրանքանիշի նավթի ֆյուչերսային գործարքների գինը նվազել է 2,78 %-ով՝ մինչև 51,83 դոլար 1 բարելի դիմաց: Այս անկումն առաջինն է հունվարից ի վեր:
Իսկ WTI ապրանքանիշի նավթի ֆյուչերսային գործարքների գինն ընկել է 3,36 %-ով՝ մինչև 46,89 դոլար 1 բարելի դիմաց:
Հաղորդվում է, որ նավթի էժանացումը կապված է ԱՄՆ-ում արդյունահանման հորատման սարքերի թվի ավելացման մասին տվյալների հրապարակման հետ: Ամերիկյան Baker Hughes սպասարկող ընկերության տվյալներով՝ այդպիսի սարքերի թիվն ավելացել է 5-ով՝ մինչև 664:
ԱՄՆ-ում հորատման սարքերի ընդհանուր քանակն ավարտված աշխատանքային շաբաթվա արդյունքներով՝ կրճատվել է 2-ով՝ մինչև 874:
Հիշեցնենք՝ ավելի վաղ հաղորդվում էր, որ նավթի համաշխարհային գներն ընկնում են 3 %-ի սահմաններում:
