Երկրի մագնիսական դաշտը ձևավորվել է 700 մլն տարի ավելի վաղ, քան մինչ այժմ ենթադրում էր գիտությունը, և ակտիվորեն նսպաստել է մեր մոլորակի վրա կենսաբանական կյանքի ձևավորմանը՝ այն պաշտպանելով կործանարար արևային քամուց: Այսպիսի եզրակացության է հանգել ամերիկացի գիտնականների խումբը՝ Ռոչեսթերի համալսարանի կենսաֆիզիկոս Ջոն Թարդունոյի գլխավորությամբ։ Գիտնականները իրենց հետազոտության արդյունքները հրապարակել են Science ամսագրում:
Ամերիկացի գիտնականները պարզել են, որ Երկրի մագնիսական դաշտը առաջացել է առնվազն 4.2 մլրդ տարի առաջ: Նախկինում համարվում էր, որ այն հայտնվել է 3.5 մլրդ տարի առաջ՝ մոլորակի ձևավորումից մոտ 1 մլրդ տարի անց:
Թարդունոյի խոսքերով՝ այս մասին են վկայում ցիրկոնի բյուրեղներում մագնետիտի հանքանյութի ուսումնասիրությունները, որոնք մագնիսական դաշտի մասին «հիշողություններ են պահպանում» միլիարդավոր տարիներ:
