«Եթե ԵԺԿ-ն գնա կեղծիքի ճանապարհով, ապա ես և «Ժառանգություն»-ը նրա հետ անելիք չունենք»,- քիչ առաջ Ազատության հրապարակում լրագրողների կետ կայացած բացօթյա հանդիպմանը հայտարարեց նախագահի նախկին թեկնածու Րաֆֆի Հովհաննիսյանը՝ ի պատասխան այն հարցի, թե կդադարեցնի՞ արդյոք «Ժառանգություն»-ը ԵԺԿ-ի հետ համագործակցությունը՝ հաշվի առնելով, որ Սերժ Սարգսյանը պաշտոնական այցով մեկնելու է Բրյուսել:
«Ես չգիտեմ, թե նա ինչու է գնացել՝ եթե հերթական շնորհավորանքը ստանալու, և եթե ԵԺԿ նախագահ Մարտենսը չվերանայի իր կարծիքը, ապա մենք ԵԺԿ-ի հետ այլևս անելիք չունենք»:
Ավելի ուշ Ր. Հովհաննիսյանը հայտարարեց. «Պարոն Մարտենսը խախտել է իր գործառույթները, նա պետք է վերանայի իր գործունեությունը և բացատրություն տա ԵԺԿ անդամ մյուս պետություններին: Եթե իր այդ կարծիքը դառնա հավաքական, ապա մենք մեր անդամակցությունը կքննարկենք. «Կարճ պատասխան՝ հիմա չենք պատրաստվում դուրս գալ, բայց եթե նրա կարծիքը դառնա հավաքական կարծիք, ապա «Ժառանգություն»-ը դրա հետ այլևս անելիք չունի»:
