Bild-ին տված հարցազրույցի ժամանակ Դորտմունդի «Բորուսիա»-ի և Հայաստանի հավաքականի կիսապաշտպան Հենրիխ Մխիթարյանը նշել է, որ երբեք չի զղջացել դորտմունդյան ակումբ տեղափոխության համար:
«Երբեք չեմ մտածել, թե սխալ քայլ եմ կատարել՝ որոշելով տեղափոխվել դորտմունդյան ակումբ: «Բորուսիա»-ն ներդաշնակ թիմ է:
Իհարկե, ծանր ժամանակներ են եղել: Ես փորձում էի անել հնարավորը՝ որքան հնարավոր է արագ ծանր իրավիճակից դուրս գալու համար: Եղել է ժամանակ, երբ երկրպագուները հիասթափված էին և ասում էին, թե Միկին երբեք գնդակ չի խփի: Ծանր էր: Անցած մրցաշրջանի առաջին շրջանում ընդամենը մեկ գոլ էի խփել՝ Գերմանիայի Գավաթի խաղարկության հանդիպմանը: Ոչինչ չէր ստացվում:
Ֆիզիկական և հոգեբանական վերականգնումս համընկավ Յուրգեն Կլոպի հեռանալու հետ: Ինձ ուրախացնում է, որ անցած մրցաշրջանի վերջնամասում կարողացա մի քանի գոլ խփել և գոլային փոխանցում կատարել: Ուրախ եմ, որ հնարավորություն եմ ունեցել խաղալ Կլոպի գլխավորությամբ: Շնորհակալ եմ նրան»,- Bild-ը մեջբերում է Մխիթարյանի խոսքերը:
