Իրանում ստեղծվում է հանձնաժողով, որը կվարհսկի օտարերկրյա լրագրողների գործունեությունը նախագահական ընտրությունների ընթացքում: Ինչպես հաղորդում է REGNUM գործակալությունը` վկայակոչելով Mehr News-ին, այս մասին հայտարարել է Իրանի մշակույթի, տպագրության փոխնախարար Ջաֆար Մուհամադզադեն:
Նրա խոսքերով` Իրանում ընտրությունների նախօրեին ձեռնարկվում են միջոցներ, որպեսզի ժողովրդի կամքի դրսևորումն անցնի բարենպաստ պայմաններում և առողջ մթնոլորտում:
«Նման իրավիճակում զանգվածային տեղեկատվության միջոցների դերը չափազանց էական է: Մենք մտադիր ենք ցուցադրել, որ մեր երկիրը լիովին ժողովրդավարական է, մեր ժողովուրդը քաղաքապես ակտիվ է և զանգվածային մասնակցություն է ցուցաբերում ընտրություններին»,- հաղորդել է փոխնախարարը:
Իրանում նախագահական ընտրությունները տեղի կունենան 2013 թ. հունիսի 14-ին:
